Ordførar Morten Helland (midten) får orientering av dagleg leiar Leif Kåre Natterøy (t.v) og nestleiar Idar Fardal utanfor nybygget til Viergo AS.
Simon Knutsson Sortland
Arbeidet med nye Viergo går som planlagt. Prosjektet held seg innanfor dei økonomiske rammene som er fastsette, og framdrifta følgjer tidsplanen. Dei har god kontroll på både koordinering, kostnader og leveransar, og samarbeidet med alle involverte aktørar fungerer svært godt.
Produksjon som normalt
- Trass alt har dette vore eit fantastisk år der brannen i sommar sjølvsagt har prega oss, men også skapt nye moglegheiter. I tillegg har me fått auka op tal tiltaksplassar, og trass nedbrent vaskeri og øydelagt snikkarverkstad har me hatt ei lita auke i omsetnaden. Dette seier også litt om kundane våre og tilliten dei har til oss, meiner Natterøy.
Inne på kontoret saman med nestleiar Idar Fardal orienterer han ordførar Morten Helland om gjenoppbyggingsarbeidet. Det meste skal rivast og byggjast om, så dei går ein svært hektisk vår i møte.
- Både bakeriet og vaskeriet vil gje oss gode synergiar og betre effektivitet. I 2. høgda kjem bakeriet med avdelingane konditori, catering og jobbfrukt. Vaskeriet kjem i kjellaren, seier Fardal.
Ordførar Morten Helland (t.v) får orientering av dagleg leiar Leif Kåre Natterøy (t.h) og nestleiar Idar Fardal i personalfløyen av nybygget til Viergo AS.
Simon Knutsson Sortland
Snekkerverkstaden i drift
Natterøy fortel at snekkarverkstaden produserer i tilliggjande bygg og telt. Trass i at dei vart satt litt uta av spel rett etter brannen har dei hatt god produksjon og omsetnadsauke. - Me er i rute med byggjearbeidet, og det aller meste bør stå klart i byrjinga av september. Produksjonen skal gå som normalt under heile byggjeprosessen, men cafè og butikk vert stengd fire veker i sommarferien.
Under omvisinga får ordføraren sjå kvar kontorfløyen med eigen personalinngang kjem slik at besøkjande slepp å gå via butikken og kafeen. Det er laga til eit utstillingsvindu for butikken og ein flott uteplass for fine sommardagar.
Sjå bilete og orientering om Viergo 2.0
Søkjer ny dagleg leiar
- Dei tilsette synest det er litt dumt at Leif Kåre sluttar, men dei tilpassar seg det meste, seier nestleiar Idar Fardal. Det siste fekk alle prov på etter brannen i juni i fjor.
- Ja, det er det eg synest er mest trist med å byte jobb, å sakna dei tilsette her, vedgår dagleg leiar Leif Kåre Natterøy. Han er frå 1. juni tilsett som ny dagleg leiar hjå Blink Hus Steinsbø.
Søk stilling som dagleg leiar i Viergo
Dagleg leiar Leif Kåre Natterøy (t.v) i Viergo AS er på veg til ny jobb fekk ordførar Morten Helland vita nyleg.
Simon Knutsson Sortland