Orden og digitaliserte rutinar er viktig for effektiv drift og vedlikehald meiner verksemdleiar Vardan Vardanyan i teknisk drift.
Simon Knutsson Sortland
Verksemdsleiar for Teknisk drift Vardan Vardanyan og hans folk på bygningsvedlikehald har gjennomført fleire tiltak som reduserer forbruket utan at det går utover drifta av bygga. Ei oppdatert oversikt over straumforbruket i kommunen viser at innsatsen deira har hatt stor effekt.
Store innsparingar
Kalde vintrar gjer at kostnadane til oppvarming går opp, men utviklinga hadde vore langt dyrare om me ikkje hadde redusert forbruket.
• I 2020 betalte kommunen om lag 9,1 millionar kroner i straumkostnader.
• I toppåret 2022 steig kostnaden til 15,9 millionar kroner.
• I 2025 var kostnaden redusert til 11,5 millionar kroner – trass i høge straumprisar.
Utan energitiltaka ville kostnadane vore langt høgare. Differansen mellom toppåret 2022 og kostnaden i 2025 er 4,4 millionar kroner.
Kan styrka viktige tenester
Kommunedirektør Kjetil Aga Gjøsæter rosar alle som har bidrege til denne innsparinga og peikar på at innsparingane gir oss moglegheit til å styrka viktige tenester. - Dei kr 4,4 millionane som utgjer differansen mellom toppåret 2022 og kostnaden me hadde i 2025 kan me no nytte til å styrke bemanning i helse, vikarutgifter og andre nødvendige kostnader for å halde tenestene våre i gang, seier han.
Oversikt kommunal straumforbruk 2020-2025.