Teglskorstein var den mest vanlege skorsteinen før 1960. Dei fleste teglskorsteinar blei som oftast sett opp med halvsteins vange (110mm). Skorsteinane er kjenneteikna av høg tettleik og høg varmeleidningsevne. Dei vart i mange tilfelle sett opp inntil bærande trekonstruksjonar.

Tette skorsteinar gir gode trekkforhold etter at skorsteinen er varma opp. Den høge varmeleiingsevna kan under ein eventuell sotbrann der skorstein er ført opp inntil treverk antenne. Difor blir det sett visse krav til korleis teglskorsteinar skal setjast opp. Dette kjem me tilbake til under avstandskrav for teglskorsteinar.

Ved eventuelle gjennomgåande sprekker i skorsteinen, er det ingen barriere mellom dei varme røykgassane og bygningskonstruksjonen.

På 1960-tallet blei det retta eit større fokus for å redusera overflatetemperatur og gjennomgåande oppsprekking i teglskorsteinar.

Avstandskrav for teglskorsteinar

• Teglskorsteinar skal ikkje stå inntil vegg av brennbart materiale eller dekkjast til på sideflatene med brennbart materiale. Alle dei fire sidene på skorsteinen, skal vera frie for inspeksjon.

• Det skal vera minst 230mm frå røykløpet si indre flate til brennbart materiale. Dette gjeld ikkje golvbord, himlingspanel, golv- og taklister av tre, dersom skorsteinen har 20mm tjukk puss, samt om det mellom puss og treverk blir montert ubrennbar plate.
• Dersom skorsteinen har heilsteinsvange (230mm), kan veggar av brennbart materiale oppførast mot skorsteinen ved hjørnet. På skorsteinar med halvsteinsvange kan også to vegger oppførast mot hjørnet med atterhald om utstikk på skorsteinen slik at avstanden blir 230mm.
• På skorsteinar med ventilasjonskanal, kan vegg liggja helt inntil på den sida det gjelder.

Teglskorstein er godkjent i oppstillingsklasse 1 

Me deler elementskorsteinar inn i tre hovudtypar:

1. sementbaserte skorsteinar
2. keramiske skorsteinar
3. stålskorsteinar

Desse tre hovudtypane kan igjen delast inn i einsjikts-, tosjikts-, tresjikts og firesjikts skorsteinar. 

Det er materialet i røykkanalen som seier oss kva hovudgruppe skorsteinen høyrer til.

Tresjikts element skorsteinar er den mest vanlege i dag. Denne typen elementskorstein er bygd opp av eit ytterelement, isolasjonsjikt og sjølve røykkanalen. Det er røykkanalen ein stiller krav til når det gjeld tettleik og bestandigheit. Dei to andre sjikta har andre funksjoner.

Alle sjikta i ein elementskorstein har bestemte oppgåver. Det er irfor viktig at dimensjonering og monteringsvegleiingar for skorstein og eldstad blir følgd.

Avstandskrav for elementskorsteinar

Monteringsveiledninga til typegodkjente elementskorsteinar viser korleis dei ulike elementskorsteinane skal monterast.

Elementskorsteinar er godkjente i oppstillingsklasse 2 og 3