Tilknyting til offentleg ledningsnett

Bømlo vatn og avløpsselskap AS (BVA AS) har eigedomsretten og totalansvaret for offentleg vatn- og avløpsanlegg i kommunen vår. Bømlo Vatn og Avløp har frå 1.11.21 teke i bruk ei ny elektronisk løysing for alle entreprenørar som skal gjera arbeid som kan påverka det offentlege leidningsnettet. Den elektroniske løysinga heiter Volue (tidligare Powel) Entreprenørportal.

For å få tilgang til portalen må ein oppretta ein eigen brukar i entreprenørportalen. Det kan du gjera ved å bruka denne registreringssida:

Registrering i entreprenørportal

Dersom du har brukt løysinga i andre kommunar kan du bruka same innlogging. Du må då be om tilgang til Bømlo Vatn og Avløp. Inne i portalen kan ein oppretta fleire brukarar i same bedrift.

Tilkopling til offentleg leidning:

• søknad via byggjefirma ved oppføring av ny bustad, naust, fritidsbustad etc.
• søknad via røyrleggjar/entreprenør dersom du får pålegg om tilknyting.
• søknad via røyrleggjar/entreprenør ved rehabilitering av eigedom.

I entreprenørportalen kan entreprenør søkja om ny tilknyting, gjera endringar eller reparasjonar av private vatn- og avlaupsnett, som er tilknytt eller skal tilknytas det offentlege vatn- og avlaupsnettet. Du kan også søkja om gravemelding, samt søkja om ferdigmelding når arbeidet er utført.

Røyrleggjar skal bruka løysinga til innvendige arbeid for registrering av utstyr og tidspunkt for driftssetting av anlegget.

Tilkoplingsgebyr: Dette er ein eingongssum som du må betala for å kopla den aktuelle bygningen til den kommunale leidningen. Det same gjeld dersom du blir pålagt å kopla deg til leidningsnettet.

Det er kommunestyret i Bømlo som fastset gebyret.

Opprydding i spreidd avlaup: Dei fleste av innbyggarane i Bømlo er kopla mot det offentlege avlaupsnettet som er drifta av Bømlo vatn- og avløpsselskap AS.  Me har likevel mange private avlaupsløysingar i kommunen vår. I 2015 hadde me omlag 4450 personar som var knytt til mindre private avlaupsreinseanlegg. Det er ei målsetting at eksisterande bustader som ligg i område som har eit utbygd eksisterande offentleg avlaupsnett skal koplast til dette. Dette kan skje ved at kommunen gjev pålegg til den einskilde huseigar om slik tilknyting.

Tilknytingsavgift og årsgebyr