Budsjettprosessen i Bømlo kommune

Litt meir om budsjettarbeidet

Forslaget til budsjett og økonomiplan for 2024-2028 (styringsdokument for Bømlo kommune) er resultatet av ein årleg prosess. Kommuneplanen, den vedtekne budsjett- og økonomiplanen for perioden, årsrekneskapen og årsrapporten gir føringar for prosessen. I tillegg får revidert statsbudsjett i mai, og statsbudsjettet i oktober, konsekvensar for kva som blir dei endelege rammene kommunen må forhalde seg til.

Kommunedirektøren utarbeider eit framlegg

I Bømlo kommune er det kommunedirektøren som utarbeidar eit framlegg som dei folkevalde deretter handsamar. Kommunedirektøren legg i sitt framlegg vekt på tiltak som fagleg og heilskapleg sett er forsvarleg, men som samstundes sørger for eit budsjett som har balanse mellom kjente inntekter og utgifter. Etter framlegginga for kommunestyret er det formannskapet som skal gje innstilling til vedtak i kommunestyret. Formannskapet innstiller til vedtak om økonomiplan, årsbudsjett, årsrekneskap og årsmelding. Økonomiplanen for dei neste fire åra og årsbudsjettet for det komande året skal vedtakast av kommunestyret før årsskiftet.

Styringsdokumentet er eit webdokument

Bømlo kommune bruker Framsikt – ei skybasert løysing til budsjettering, rapportering og politikarmedverknad. Det betyr at administrasjonen og dei folkevalde brukar denne løysinga gjennom heile prosessen. Kommunedirektøren sitt framlegg og etter kvart kommunestyret sitt vedtak finn du her så snart det er offentleg.

Framsikt 2024-2027

Trepartssamarbeid mellom partane

I Bømlo kommune samarbeidar dei folkevalde, kommunedirektøren/administrasjonen og dei tillitsvalde. Gjennom felles møtearenaer vert det lagt til rette for at dei tre partane skal vere gjensidig informert og ha høve til dialog og påverknad i prosessen fram mot eit vedteke budsjett.