No kan du søkja om Fritidskortet 2025

• Alle i rett aldersgruppe som er busett i Bømlo kommune.
• I 2025 får alle barn og unge frå 11-15 år (årgang 2010-2014) som er busette i Bømlo tilgang til Fritidskortet . 
• Barn over 13 år med eigen BankID kan logge inn og bruke Fritidskortet sjølv, medan for barn under 13 må den føresette med same bustadadresse som barnet oppretta brukar og leggja til borna i løysinga.
• Søsken får eit fritidskort kvar. Pengane på fritidskortet tilhøyrer kvart einskild barn, og pengane kan ikkje overførast til søsken eller andre barn. 
   

Opprett brukar på www.aktivitetforalle.no 

Opprett ein personleg brukar slik: 

Gå til Meny

Klikk på “Kom i gang/Opprett brukar” og følg forklaringa på sida. 

Når du har oppretta brukar, 

Klikk på Støtteordning/ klikk på “ny søknad” - legg til barn eller klikk på namnet til barnet du ser på sida 

følg forklaringa på sida. 

Merk at du må laste opp dokumentasjon direkte på sida. 

Du kan anten velje at beløpet vert overført direkte til laget eller å få refusjon til eigen konto dersom fakturaen allerie er betalt. Ver merksam på at du må laste opp dokumentasjon for faktura og kvittering for betalt beløp.

Faktura må vise namn på barnet, beløp og kve beløpet gjeld 

Kvittering viser beløpet som er betalt og kven det er betalt til. 

Dersom de vel overføring til lag/organisasjon og fakturaen er på meir enn kr. 2000, må det resterande beløpet betalast av dykk sjølve. Dette kan gjerast via Vipps til Bømlo kommune.

Fritidskortet kan brukast på deltakaravgifter i fast, organisert fritidsaktivitet. Det betyr at det kan brukast til å betala til dømes medlemskontingentar og andre deltakaravgifter, men ikkje til dømes cup, leir eller utstyr til aktiviteten.

For at aktiviteten skal kunne utløyse bruk av fritidskortet må den vere definert som ein fast organisert fritidsaktivitet. Kriteria er at aktiviteten skal vera planlagd med eit program, ha ein leiar som styrer aktiviteten og ha minimum åtte treffpunkt i halvåret. Talet på gongar er sett for å leggja til rette for tilhøyrsle i eit fellesskap.

Finn du ikkje noko som passar deg og dine interesser, ta gjerne kontakt med oss. Det kan være andre barn og unge i Bømlo som saknar akkurat det same tilbodet! 

Du og vennene dine  eller foreldre/føresette  kan òg starte dykkar eigen klubb med midlar frå dykkar eigne Fritidskort! Ta gjerne kontakt med oss for å få vita meir om kva som skal til!

Kontaktperson for folkehelse og frivilligheit i Bømlo kommune

Nokon trivst best med eigenorganisert aktivitet som å gå turar, skate eller heilt andre ting. Ettersom Fritidskortet skal bidra til at alle som vil delta i ein organisert aktivitet skal ha råd og moglegheit til det, er det berre det Fritidskortet kan brukast til. Om du ikkje ønskjer det, får du dessverre ikkje brukt Fritidskortet ditt.

Dersom du vel direkte overføring til organisasjon/lag, kan du betale restbeløpet via Vipps til Bømlo kommune og me betaler beløpet samla til organisasjonen. Dersom restbeløpet ikkje vert betalt inn av deg, overfører me beløpet i frå Fritidskortet og du må ordne med betaling av restbeløpet direkte til laget. Det er viktig å hugse KID-nummer. 

Eit anna alternativ er å prøva å finna ein aktivitet som kostar under 2000 kroner i året. I den digitale plattformen blir det synlig hva hver aktivitet kostar.

Ordninga med det lokale fritidskortet på Bømlo starta etter ein pilotperiode hausten 2022. 

Per no gjeld ordninga fram til 31.12.2025.

Prosjektet finnst fordi barn har rett til å delta i fritidsaktivitet, og det er både politikarar, kommune og det frivillige organisasjonslivet einige om. Det er grunnen til at Fritidserklæringen vart laga. Dette prosjektet er ein del av arbeidet med å nå måla i Fritidserklæringen. For å bidra til at fleire får delta, betalar Bømlo kommune eit tilskot til fritidsaktivitetar for barn og unge mellom 11 og 15 år.  

Portalen www.aktivitetforalle.no gjev ei god oversikt kva aktivitetar barn og unge kan drive med i kommunen vår. 

For å kunne sørga for at alle i riktig målgruppe får tilgang til sitt Fritidskort, får bruka det slik målet med prosjektet er, og at berre dei sjølv og/eller deira føresette får moglegheit til å styra bruken av barnets Fritidskort, må me samla inn og lagra nokre personopplysningar. Personopplysningane me nyttar er namn, bustadadresse, fødselsnummer, kontaktinformasjon, saldo og historikk på det aktuelle Fritidskortet og i nokre tilfelle kontonummer. Når ein betalar faktura med fritidskortet, kan me også ta kontakt med laget/organisasjonen for å få stadfesta at barnet er betalt medlem i laget/organisasjonen.

Partane: Bømlo kommune, og føresette eller barn over 13 år med BankID.

Postadresse: Bømlo kommune, Leirdalen 1, 5430 Bremnes
Leveringsadresse: Leirdalen 1, 5430 Bremnes

Org.nr: 834210622

TLF. 53423000

Epost: postmottak@bomlo.kommune.no 

          fritidskortet@bomlo.kommune.no

Angrerett:  Det er ingen angrerett på bruk av fritidskortet og betaling av restbeløp på deltakaravgifta.

Reklamasjon: Kontakt fritidskortet@bomlo.kommune.no dersom du vil klage eller reklamere på noko.