Vedtak av detaljregulering for fritidsbustader - Grindheimsvågen 14/21 m.fl., PlanID 202401

Detaljregulering for fritidsbustader - Grindheimsvågen 14/21 m.fl., PlanID 202401 er vedtatt. Klagefrist 18.03.2026.

Utsnitt av plankartet

Planområdet ligg i Grindheimsvågen på Moster og omfattar om lag 17 dekar. Føremålet med reguleringa er å legge til rette for vidare utbygging av fritidsbustadar med tilhøyrande småbåtanlegg, tilkomst og parkering. Utbygginga vil i hovudsak skje på tilrettelagde flater og med fastsette krav til høgder, takform og plassering for å sikre god tilpassing til landskapet. Planen inneheld føresegner som ivaretek både private og ålmenne interesser, mellom anna ved at nye kaiar skal vere opne for ålmenta og utstyrast med livredningsutstyr.

Det er Kommunestyret som har vedtatt Detaljregulering for fritidsbustader - Grindheimsvågen 14/21 m.fl., PlanID 202401. Vedtaket vart gjort i møte den 16.02.2026 i sak PS 6/26.

Planen erstattar delar av detaljreguleringsplan bustad – og fritidsbustadområde Tressvik 14/27 m.fl. Grindheimsvåg, PlanID 201509. Delane som er erstatta er vedtatt oppheva i same vedtak.

Det er mogleg å klaga på vedtatt plan. Frist for å klaga på endringa er 18.03.2026.

Klager kan sendast på papir til:
Bømlo kommune, Arealbruk,
Rådhuset, Leirdalen 1,
5430 Bremnes

Eller på e-post til:
postmottak@bomlo.kommune.no

Detaljert om klage på enkeltvedtak

Er du misnøgd med vedtaket av reguleringsplanen, så kan du klaga til oss.

Klagefrist

Fristen for å klaga er tre veker frå du fekk vedtaket. Klagen må vera postlagt før fristen går ut.
Dersom du ikkje har fått vedtaket, så er fristen for å klaga tre veker frå du blei kjent med vedtaket eller burde ha skaffa deg kjennskap om vedtaket.
Sjølv om du sender inn klagen for seint, kan me i nokre tilfelle etter ein konkret vurdering likevel behandla klagen. Klikk her for å sjå forvaltningslova om å klaga på vedtak etter fristen.

Kven kan klaga

For at me skal behandla klagen din, må du vera part i saka eller ha rettsleg klageinteresse.
For at du skal vera part i saka, må vedtaket retta seg mot deg, eller direkte gjelda deg.
For at du skal ha rettsleg klageinteresse må du ha ei tilknyting til saka. Du kan òg ha ei rettsleg klageinteresse om du ha ei viss tilknyting til saka. Dette gjeld naboar, gjenbuarar, bebuarar i nærområdet, velforeiningar og interesseorganisasjonar der saka råkar eigedomen fysisk (sol, luft, lys og skuleveg) eller økonomisk (konkurranseforhold og verdinedgang). Om du har rettsleg klageinteresse vurderer me i kvart enkelt tilfelle.

Slik klagar du

Klagen må vera skriftleg og sendt til oss som eit vanleg brev eller e-post.
Du må skriva at dette er ein klage.
Du må skriva kva vedtak du klagar på, til dømes saksnummer eller namnet på saka det gjeld.
Du må skriva kva tilknyting du har til saka, til dømes at du er nabo eller næringsdrivande i området.
Du må grunngje kvifor du klagar, og du må skriva tydeleg korleis du ønskjer at vedtaket skal bli endra.
Dersom du har ny informasjon som ikkje er omtalt i saka før, er det viktig at dette blir lagt saman med klagebrevet.
Klagen må vera underskriven av deg eller din fullmektig, til dømes advokat.
Dersom du vil be om at gjennomføringa av tiltaket blir stoppa til klagen er avgjort, må du leggja ved ei eigen grunngjeving for dette (utsett iverksetting av vedtak).

Kvar sender du klagen

Klage på e-post sender du til: postmottak@bomlo.kommune.no
Klage per brev sender du til: Bømlo kommune v/Arealbruk, Leirdalen 1, 5430 Bremnes

Klageinstans

Statsforvaltaren er klageinstans på vedtak etter plan- og bygningslova. Du sender klagen din til kommunen som deretter handterer den vidare.

Saksbehandlingstid

Klagen din blir vurdert av administrasjonen og deretter lagt fram for kommunestyre for handsaming. Me skal behandla klagen frå deg snarast råd og utan ugrunna opphald.

Aktuell lov

Klikk her for å lesa meir om klage og klagerett i forvaltningslova