Kommunestyret bestilte ein ekstern gjennomgang for å få ei felles forståing av utfordringane kommunen står i, og for å få betre grunnlag for berekraftige løysingar over tid. Til å sikra politisk forankring av mandat og hovudretning er det ei politisk styringsgruppe ved ordførar Morten Helland (KrF) og formannskapsmedlemane Frode Urangsæter (FrP) og Mari Pedersen Totland (Ap).
PwC sitt oppdrag var å gjennomføra ei ekstern og uavhengig revisjon av Bømlo kommune si drift med føremål å identifisera innsparingstiltak som skal komplementere andre tiltak kommunen allereie jobbar med. PwC kjem med sine vurderingar og forslag i rapporten, men eventuelle endringar kan berre gjennomførast etter politisk behandling og vedtak.
PwC orientering formannskapet 16.04.2026 (PDF, 407 kB)
Tinga av kommunestyret
Kommunestyret sitt budsjettvedtak 2026 -
vedteke 8. desember 2025
«Kommunestyret ber om at det vert gjort ein ekstern revisjon av drifta vår. Den bør vera i tre trinn:
1. Overordna kartlegging og identifisering av områder for meir undersøking
2. Sjå meir på utvalgte områder etter fase 1 (sjå også liste nedanfor)
3. Saman med arbeid med tiltakspakke gjera prioritering og leggja plan for iverksetjing av tiltak.
Kommunestyret ser at det kan vera spesielt interessant å sjå på desse områda (lista er ikkje uttømmande):
• Habiliteringstenester –organisering og nattevaktressursar
• Nivå på og organisering av førebuande tenester for barn og unge
• Tenestenivå innan helse og omsorg
• Organisering av heimebaserte tenester
• Legetenesta
• Moglegheit for administrativ samdrift mellom skular»
I budsjettarbeidet for 2026 vedtok kommunestyret å bestille ein ekstern og uavhengig gjennomgang av kommunal drift. Etter ein anbodsrunde gav kommunen oppdraget til konsulentselskapet PwC.
Kommunestyret ønskte å få:
• eit oppdatert og samla faktagrunnlag
• ei uavhengig vurdering av økonomi, struktur og organisering
• betre grunnlag for politiske prioriteringar i ei krevjande økonomisk tid
Målet har heile tida vore å få kunnskap og oversikt, ikkje å landa ferdige konklusjonar eller vedtak.
Kva rapporten er og ikkje er
Rapporten er:
- eit kunnskapsgrunnlag
- ei ekstern og uavhengig vurdering
- støtte til vidare politisk drøfting
Rapporten er ikkje:
- eit vedtak
- ei bestilling av kutt
- ei avgjerd om konkrete tiltak
Slik bruker kommunen rapporten vidare
PwC-rapport ekstern gjennomgang kommunal drift (Publiseres kl. 15.00 onsdag 6.5.26)
Administrasjonen skal bruka rapporten som eitt av fleire grunnlag i arbeidet med budsjett og økonomiplan. Når moglege alternativ vert vurdert vil me i tillegg til økonomi også vurdera konsekvensar for tenestekvalitet, organisering og arbeidsmåtar, samt verknadar for lokalsamfunn og innbyggarar.
Behov for endringar og tiltak som vert peika på i rapporten skal eventuelt først utgreiast før politisk behandling og vedtak i kommunestyret.
Les også Ekstern gjennomgang av drifta i Bømlo kommune
Kommunestyret har bestilt ein ekstern gjennomgang for å få eit uavhengig og samla kunnskapsgrunnlag om kommunen si drift og økonomiske situasjon. Målet er å forstå utfordringsbiletet betre før politikarane skal ta viktige val om vegen vidare.
Det er konsulentselskapet PwC som har gjennomført analysane og utarbeidd rapporten, på oppdrag frå kommunestyret i Bømlo.
Rapporten inneheld PwC sine funn, vurderingar og forslag.
Det er ikkje administrasjonen sine eigne konklusjonar.
Nei. Rapporten er ikkje eit vedtak, og han bestemmer ikkje kva kommunen skal gjere vidare.
Eventuelle endringar kan berre skje etter open politisk handsaming og vedtak i kommunestyret.
Nei. Rapporten peikar på moglege handlingsrom og alternative vegar vidare, men seier ikkje kva kommunen skal velje.
Det er politikarane i kommunestyret som skal vurdere rapporten opp mot andre omsyn, som:
- tenestekvalitet
- konsekvensar for innbyggjarar
- verknader for lokalsamfunn
før eventuelle vedtak blir fatta.
PwC har sett på ei rekkje område innan kommunal drift, mellom anna:
- skule og barnehage
- helse- og omsorgstenester
- kultur og idrett
- organisering og styring
- økonomi og struktur
Desse er vurderte fordi dei samla utgjer ein stor del av kommunen sin aktivitet og ressursbruk.
Rapporten blir brukt som eitt av fleire grunnlag i det vidare politiske arbeidet.
Den 22. juni blir det arrangert ein open budsjettkonferanse der:
- PwC presenterer hovudfunn
- Statsforvaltaren orienterer om kommunen si økonomiske situasjon (ROBEK)
- kommunedirektøren legg fram ei skisse til budsjett 2027
Dette er ein drøftingsarena, ikkje ein møteplass for vedtak.
Dersom rapporten fører til konkrete forslag, må desse behandlast i politiske utval og i kommunestyret seinare i 2026.
Det blir inga politiske vedtak før saka er grundig drøfta og behandla.
Kommunestyret vedtek budsjett 2027 og økonomiplan 2027-2030 i møte 14. desember.
Kommunen vil leggje vekt på openheit i det vidare arbeidet.
Oppdatert informasjon blir publisert på kommunen si nettside, og politiske møte er opne og offentlege.
Kommunestyremøta vert overført direkte på Kommune-TV.
Tidslinje PwC-rapport og budsjettprosess 2026
Her finn du bakgrunn for gjennomgangen, ei oversiktleg tidslinje og informasjon om vegen vidare. Me oppdaterer sida når kommunen legg opp til politisk behandling og nye steg i arbeidet.
8. desember 2025 - Kommunestyrevedtak
Kommunestyret sitt budsjettvedtak 2026, vedteke 8. desember 2025
«Kommunestyret ber om at det vert gjort ein ekstern revisjon av drifta vår. Den bør vera i tre trinn:
1. Overordna kartlegging og identifisering av områder for meir undersøking
2. Sjå meir på utvalgte områder etter fase 1 (sjå også liste nedanfor)
3. Saman med arbeid med tiltakspakke gjera prioritering og leggja plan for iverksetjing av tiltak.
Kommunestyret ser at det kan vera spesielt interessant å sjå på desse områda (lista er ikkje uttømmande):
• Habiliteringstenester –organisering og nattevaktressursar
• Nivå på og organisering av førebuande tenester for barn og unge
• Tenestenivå innan helse og omsorg
• Organisering av heimebaserte tenester
• Legetenesta
• Moglegheit for administrativ samdrift mellom skular»
Januar - februar 2026
Anbodsprosess i kommunen. PWC blir tildelt oppdrag.
PWC gjennomfører revisjonen, hentar inn informasjon og har intervju med kommunen.
Føremålet er å identifisera innsparingstiltak som skal komplementere andre tiltak kommunen allereie jobbar med. Gjennomfører analysar, intervju og samanlikningar innanfor mandatet frå kommunestyret.
29. april - Levering av rapport
PwC leverer rapport til Bømlo kommune.
Administrasjonen går gjennom rapporten og gir sine tilbakemeldingar til PwC.
30. april - frist for gjennomgang førsteutkast av rapporten
PWC sender utkast til rapport til den administrative prosjektgruppa for retting av feil og eventuelle misforståingar.
Administrasjonen går gjennom rapporten og gir sine tilbakemeldingar på evt faktafeil og misforståingar til PwC. Frist 30. april.
6. mai - Offentleggjering av rapporten
Rapporten blir offentleggjort.
Sak publiserast på kommunen si heimeside.
8. juni - PWC orienterer kommunestyret
PWC orienterer kommunestyret om rapport og framlegg til tiltak – i det ordinære kommunestyremøte.
Opptakt til budsjettkonferansen.
22. juni - Budsjettkonferanse
Open budsjettkonferanse for kommunestyret og politiske råd:
- PwC presenterer hovudfunn og overordna analyse
- Statsforvaltaren orienterer om kommunen si økonomiske situasjon som ROBEK-registrert
- Kommunedirektøren presenterer skisse til budsjett 2027
Konferansen er ein arena for orientering og drøfting, ikkje for vedtak.
26. oktober - Kommunedirektøren sitt budsjettframlegg 2027
Kommunedirektøren presenterer budsjett 2027 og økonomiplan 2027-2030 for kommunestyret
14. desember - Budsjettmøte i kommunestyret
Kommunestyret handsamar og gjer vedtak for budsjettet 2027 og økonomiplan 2027-2030