Hjelpemidlar frå hjelpemiddellageret

Dersom du har nedsett funksjon på grunn av skade eller sjukdom, kan du låna hjelpemiddel for ein kortare eller lengre periode.

Du kan sende mail til hjelpemiddellageret; hjelpemiddel@bomlo.kommune.no. Me svarar stort sett innan 1-2 verkedagar.

Elles er hjelpemiddellageret bemanna:

Måndagar kl 9 - 11.30

Torsdagar kl 9 - 11.30

Du kan då kome innom eller ringe på tlf 53 42 31 88.

Utanom opningstida kan du leggje att beskjed på telefonsvaren.

Dørene til hjelpemiddellageret er opne til kl 17.00 for henting eller levering etter avtale.

Adresse: Beinahaugsvegen 4. NB: Reservert parkeringsplass for gjester

Dersom du har eit kortvarig behov for enklare hjelpemiddel, kan du  låna dette av hjelpemiddellageret i Bømlo kommune. Det kan vera hjelpemiddel som m.a. rullestol, toalettforhøyar, dusjstol og rullator. Ta kontakt i god tid for å ha hjelpemidla på plass før planlagte operasjonar.

Dersom du har varig behov for lån av hjelpemiddel, kan du søkje om dette frå NAV Hjelpemiddelsentral. 

Ved behov for langvarig lån, kan du ta kontakt med Ergo- og fysioterapitenesta, tlf 53 42 33 42. Fysioterapeut eller ergoterapeut vil då hjelpa deg med å finna ut kva hjelpemiddel du treng, og hjelper deg med å søka til NAV Hjelpemiddelsentral.

Tilrettelegging og hjelpemiddel ved synsproblem og ved samansette hørselproblem, tek ein kontakt direkte med SAPT i Bergen: Bergen kommune - Syns- og audiopedagogisk tjeneste (SAPT)

Alle hjelpemidla som er lånt frå hjelpemiddellageret eller NAV hjelpemiddelsentral skal leverast tilbake når du ikkje lenger har behov for dei. Hjelpemiddelet skal reingjerast før du leverer det. Derosm du treng hjelp til henting, levering eller demontering, kan du ta kontakt med hjelpemiddellageret.

Hjelpemiddellageret sel gripetang, støttehandtak og strømpepåtrekkjar. Dette får du òg kjøpt på apoteket. Vi sel ikkje krykker, urinflaske og broddar, dette får du kjøpt på apoteket.

Ved akutt behov for reperasjon av hjelpemiddel frå NAV Hjelpemiddelsentral, kan du ringa vakttelefonen til NAV Hjelpemiddelsentral. Denne telefonen er bemanna utanom opningstida til kommunen, og skal kun nyttast når det er fare for liv og helse. tlf 917 81 122

Ved andre behov for reperasjon av hjelpemiddel tek du kontakt med kommunalt hjelpemiddellager på mail: hjelpemiddel@bomlo.kommune.no eller telefon 53 42 31 88.