Aktuelt og kunngjeringar

Det er trangt ved hovudinngangen til Bømlo bu- og helsesenter (BBH). Dette er eit stort problem for ambulansen, og det skjer ofte til trass for god oppmerking og skilting om parkering forbode.  

Fredag 30. desember 2022 vart Bømlabrua stengt i over ni timar etter ein trailertilhengar velta over ein møtande personbil grunna sterke vindkast. Publikum forventar god informasjon uavhengig av kven som har ansvaret, og Bømlo kommune jobbar med å bli betre på dette feltet. Under finn du nyttige lenkjer det kan vere lurt å ha lett tilgjengeleg.

Barn og unge er hovudmålgruppe for 1000-årsjubileet Moster2024 "feira fortid - forma framtid". Dette ber også det storslagne jubileumsprogrammet som vart presentert måndag 23. januar preg av. Det blir mellom anna festkonsert i regi av kulturskulane i Sunnhordland, ei barneførestelling og ein flott konsert med Bømlo TenSing under jubileumsdagane 29. mai til 2. juni 2024.  

Eigedomsskattelista for Bømlo kommune vert lagt ut til offentleg gjennomsyn i ein månad frå 1. mars.

I dag vart Statens vegvesen sine Vegtrafikkapp og varslingstenester for sms-abonnement på Bømlabrua og Stordabrua aktivert.

Riksantikvaren har hyrt inn Asplan Viak for å gjennomføra registreringar av 199 automatisk freda, arkeologiske kulturminner i Bømlo kommune frå 24. april 2023.

- Grunnfinansieringa har vore ei tung bør på skuldra vår, men no har dette ordna seg fint slik at me no kan konsentrera oss om å laga eit fantastisk jubileum. Slik oppsummerte styreleiar Per Bjørn Habbestad i Moster 2024 gladmeldinga som statsråd Kjersti Toppe personleg overrekte i Moster amfi måndag 8. mai. 

Bømlo kommune fekk 8. mai besøk av Trygg trafikk, som kunne gratulere kommunen med tre nye år som trafikksikker kommune.

Førebyggjande tenester i Bømlo, Stord og Fijtar har saman laga ein digital tiltaksoversikt for barn og unge.

Har du alt du treng for å klara deg sjølv i minst tre døgn viss vatn og straum plutseleg vert vekke eller butikkane ikkje får levert varar?  30. oktober startar ei landsdekkjande kampanjeveke om eigenberedskap.