Slik lagar me budsjett i Bømlo kommune

På denne sida finn du all informasjon om ulike steg i budsjettprosessen, viktige dokument og politisk behandling. Det er planlagt ulike informasjonspunkt og -møte for innbyggjarane. Denne sida vert fortløpande oppdatert med ny informasjon ved dei ulike milepålane.

Animasjonsfilmen om status i dag og kva som ventar oss

Viktige datoar i år

1. oktober: Informasjon om den økonomiske situasjonen og ROBEK.

7. oktober - Statsbudsjettet
Statsbudsjettet 2027 lagt fram av regjeringa

Les kommentar frå kommunedirektør Kjetil Aga Gjøsæter

8.–25. oktober: Informasjon og dialog med tillitsvalde, vernetenesta, leiarar og tilsette.

26. oktober - Kommunedirektøren sitt budsjettframlegg 2027
Kommunedirektøren presenterer budsjett 2027 og økonomiplan 2027-2030 for kommunestyret (PDF, 5 MB). Dette er ikkje eit politisk vedtak.

Arkivopptak frå kommunestyretv 26.10.2026

27. oktober–25. november: Informasjon om framlegget og konsekvensane. Me samlar spørsmål og innspel.

Framsikt - publiserte spørsmål og svar frå politikarane om budsjett og økonomiplan 2027-20230

26. november - Formannskapet handsamar kommunedirektøren sitt budsjettframlegg
Formannskapet innstiller budsjettforslag til kommunestyret. Formannskapet legg formelt ut budsjettframlegget til offentleg ettersyn fram til budsjettmøtet i kommunestyret.

27. november–13. desember: Informasjon om ettersyn, innspel og vegen vidare. 

30. november: Ope digitalt informasjonsmøte kl. 18.00. MERK: Lenkje til påmelding kjem her. 

2. desember: Ope informasjonsmøte kl. 18.00 i kommunestyresalen.

14. desember - Budsjettmøte i kommunestyret
Kommunestyret handsamar og gjer vedtak for budsjettet 2027 og økonomiplan 2027-2030.

Slik blir budsjettet behandla

Forslaget til budsjett og økonomiplan (styringsdokument for Bømlo kommune) er resultatet av ein årleg prosess. Kommuneplanen, den vedtekne budsjett- og økonomiplanen for perioden, årsrekneskapen og årsrapporten gir føringar for prosessen. I tillegg får revidert statsbudsjett i mai, og statsbudsjettet i oktober, konsekvensar for kva som blir dei endelege rammene kommunen må forhalde seg til.

1.    Administrasjonen utarbeider budsjettforslag.
2.    Kommunedirektøren legg fram forslaget.
3.    Formannskapet behandlar forslaget og gir innstilling.
4.    Forslaget blir politisk behandla.
5.    Kommunestyret vedtek endeleg budsjett.

I Bømlo kommune er det kommunedirektøren som utarbeidar eit framlegg som dei folkevalde deretter handsamar. Kommunedirektøren legg i sitt framlegg vekt på tiltak som fagleg og heilskapleg sett er forsvarleg, men som samstundes sørger for eit budsjett som har balanse mellom kjente inntekter og utgifter. 

Etter framlegginga for kommunestyret er det formannskapet som skal gje innstilling til vedtak i kommunestyret. Formannskapet innstiller til vedtak om økonomiplan, årsbudsjett, årsrekneskap og årsmelding. Økonomiplanen for dei neste fire åra og årsbudsjettet for det komande året skal vedtakast av kommunestyret før årsskiftet.

Sjå også budsjett, økonomiplanar og årsmeldingar

Framsikt

Bømlo kommune brukar Framsikt som er ei skybasert løysing til budsjettering og rapportering. Kommunedirektøren sitt framlegg og etter kvart kommunestyret sitt vedtak finn du her så snart det er offentleg.

Framsikt 2027-2030

Prøv også KS: Framtidsverkty