Høyring av kommuneplanen sin arealdel

Det er gjennomført siling (grovsiling og trafikklysvurdering) av arealinnspela (ca. 350 innspel). Silingsprosessen er gjennomført i tråd med vedtatt planprogram og framgangsmåten har vært diskutert med styringsgruppa (beståande av utvalgte politikarar frå utval for areal og samferdsel og administrasjonen) i fleire rundar. Etter administrativt forslag til siling vart disse lagt fram for utval for areal og samferdsel 06.04.2022 i sak PS 39/22. Saksframlegg for dette og silingsdokumenta ligg under dokument over.
 

Det var nokre innspel som ikkje var med i silinga og vart derfor omtalt spesifikt i saksframlegget for høyring. Dei vart omtalt som følgjer:

• Det har vært nokre innspel som ikkje var med i silingsprosessen då dei kom inn etter den var ferdig (næring, AK, og Langevåg utvikling) og det er eit innspel som vart gløymt, disse er i tatt med vidare til konsekvensutgreiinga. Dette for å sikre at disse innspela også får ein politisk vurdering.
• Det vart sendt inn ein presisering på ein merknad sendt i samband med høyring av planprogram etter silinga var ferdig og godkjent av Utval for areal og samferdsel. I merknaden var det opprinneleg ynskje om at planprogrammet skulle endrast med tanke på frådelte tomter i strandsona. I den samanheng blei det vist til «eksempelvis tomt 11/102». Dette vart i vurderinga av merknaden vurdert som eit «tilfeldig» eksempel, men var meint som eit konkret arealinnspel. Denne tomta er ei lita enkelttomt, som i grovsilinga ville ha vært sortert ut på grunn av detaljnivå. På bakgrunn av dette er innspelet ikkje tatt med. Grunngjevinga er omtalt her sidan silinga av alle andre innspela er tatt opp politisk.

Det er gjort konsekvensutgreiing på ca. 125 av arealinnspela og dei som er tilrådd positivt er tatt inn i planen, sjå konsekvensutgreiing for arealendringar under dokument over for detaljar.

Det er i gjeldande plan sett generell byggjegrense i føresegnene på 25 og 50 meter. Dette kan ikkje vidareførast på grunn av at dersom man skal avvike frå 100-meteren så må dette være vurdert konkret for arealet. Me har derfor to alternativer i 100-metersbeltet:

• Forholde oss til det generelle byggjeforbudet i 100-metersbeltet
• Gjere konkrete vurderingar og sette byggjegrensa konkret

Det er sett byggjegrense til sjø i alle føremål for utbygging som ligg i 100-metersbeltet, med to typar unntak:

• Der det er sett plankrav skal byggjegrensa vurderast i ny reguleringsplan
• Der det er gjeldande reguleringsplan som har byggjegrense i planen

I føremål som ikkje er til utbygging (til dømes grønstruktur) og LNF-føremålet er det ikkje sett byggjegrense og det er dermed 100-metersbeltet som gjeld.

Byggjegrensa ligg i plankartet og grunngjeving/vurdering ligg i eige vedlegg og ligg under dokument over.

Det er gjennomført ei overordna vurdering av LNF-spreidd områda. Det er sett på om heile eller deler av areala skal endrast til bustadføremål eller LNF-område, om areala skal utvidast for å inkludere etablerte bustadbygg i randsona og ei vurdering av kvote/tal einingar i neste planperiode. Samla opnar LNF-spreidd føremål for om lag 200 nye einingar fordelt på ca. 100 areal.
 

For meir detaljar sjå kapitel 5.3.4 i planomtalen som ligg under dokument over.

Det er gjennomført ei enkel overordna vurdering av bustadområde i gjeldande plan som ikkje er utbygd. Det er føreslått å ta ut tre areal:

1. Dørøy
2. Goddo
3. Kvernanes

Dette er områder som er urørte naturområder, manglar infrastruktur og ligg usentralt. Det er også to areal som er redusert på grunn av konflikt med registrert myrområde og strandsoneverdiar.
 

For meir detaljar sjå kapitel 5.3.3 i planomtalen som ligg under dokument over.

Kommunesenter, lokalsenter og nærsenter er vurdert og skildra i eiget vedlegg til planen som ligg under dokument over. Definisjonen av kva som er kommunesenter og lokalsenter er henta frå gjeldande kommuneplan sin samfunnsdel.

I samband med senterstrukturen er det føreslått avgrensing i plankartet for Svortland og Moster sin sentrumskjerne. Sentrumskjernane omhandlar eksisterande handel og tenesteytingar og noko utvidingsareal. Bustadar i sentrum er ikkje del av sentrumskjernane. 

Det er egne føresegner for sentra i kommunen.

Det er gjennomført ein overordna gjennomgang av gjeldande reguleringsplanar vedtatt før 2020, sjå vedlegg som ligg under dokument over.

Det er 21 reguleringsplanar som er føreslått oppheva. Alle grunneigarar i desse planane vil bli varsla med brev over nyttår om dette, og vil bli informert om kvifor og kva konsekvensane for dette vil være. I stor grad er føremåla i planane lagt inn i kommuneplanens arealdel, og der det ikkje er starta utbygging er det plankrav for areala. Det er nokre ubygde areal som er føreslått endra til LNF grunna natur- og strandsoneverdiar. Detaljane rundt dette vil grunneigarane bli informert om i brevet.
Eventuelle merknadar til oppheving skal bli vurdert før reguleringsplanane kan opphevast. Grunneigarar vil også få tilsendt brev når reguleringsplanane blir oppheva. 

Det er følgande reguleringsplanar som er føreslått oppheva:

• Høyringsfrist 01.05.2024.
• Gjennomgang av merknadar og løysing av eventuelle motsegner fram mot sommaren.
• Ny politisk behandling etter sommarferien – avhengig av kor mange merknadar/motsegner som kjem og kor omfattande disse er.

Dersom det blir mykje endringar etter høyring må planen på ei ny høyring før den kan bli vedtatt. Det er ikkje uvanleg at ein arealdel må på ny høyring.

Kommuneplanen sin arealdel skal rullerast jamleg og meir temavis framover.
Tenkt tatt i framtidig revisjon/delrevisjon:

• Meir detaljert gjennomgang av gjeldande reguleringsplanar.
• Meir detaljert oversyn over arealreserve – for t.d. bustad, fritidsbustad, næring.
• Justering av føremål som ligg utanfor byggjegrensa.
• Gjennomgang av akvakulturområda.
• Gjennomgang av føremål på land, spesielt bustad.

Det er tenkt å starta opp neste revidering etter at påstarta samfunnsdel er vedtatt, ca. 2025.