Aktuelt og kunngjeringar

No har du sjansen til å sikre deg eit unikt bygg på Espevær. Den tidlegare Espevær skule, som var i bruk fram til 2020, er no lagt ut for sal på Finn.no med prisantydning på ein million kroner. 

Lett tilgjengeleg, god og oversiktleg plass inne i lokalet og god parkeringsplass. - Å flytta vallokalet hit frå Svortland skule har vore eit vellukka trekk, det trur eg nok dei aller fleste er samde i, kommenterte mangeårig valmedarbeidar i Svortland krins Nils Gunnar Gloppen der han rettleia veljarane på valdagen.

Detaljregulering for konsentrert bustad på del av 58/1, Langevåg, PlanID 202205 er lagt ut til offentleg ettersyn. Høyringsfrist 20.10.2025. 

Detaljregulering for naust Svortlandsjøen, gnr./bnr. 109/320 m.fl., PlanID 202302 er lagt ut til offentleg ettersyn. Høyringsfrist 20.10.2025. 

Bømlo kommune er godkjend som trafikksikker kommune og det vert årleg gjennomført fysiske tiltak for å betra sikkerheita på vegane våre. Bømlo kommune skal no revidera den gjeldande trafikksikringsplanen. I planen er både fysiske og haldningsskapande tiltak omhandla. Innspelsrunden handlar no først og fremst om fysiske tiltak. 

Fire elevar frå Hillestveit skule på Bømlo skal måle krefter med ungdom frå Bergen når årets store sjømatkonkurranse for ungdom går av stabelen under Bergen Matfestival 5. september.

Formannskapsmedlemene i Bømlo fann mykje å gleda seg over i møtet torsdag, men krev også tett oppfølging av økonomisk drift. Særleg gledeleg er framdrifta i Bømlo fiskerihamn og god skatteinngang. Viergo orienterte om brannen i juni og planane framover.

Nokre tiltak er blitt så naturlege for oss at me kan gløyme å tenkje over kor viktige dei er. Enkelte sjukdommar toler me dårlegare i visse aldersgrupper, eller om me har redusert immunforsvar eller risikotilstandar. Vaksinasjon er eit slikt viktig tiltak for folkehelsa vår som kan hindre alvorleg sjukdom og død hos mange.

Teknisk drift vil denne veka utføre sprøyting med ugrasmiddel langs kommunale vegar i områda Moster og Rolfsnes.

Alvsvågvegen vert stengd på to stader torsdag 28. august frå kl 24:00-06:00. Det skal utførast arbeid med to grøfter som skal krysse vegen. Arbeidet gjeld tilknyting av VA-anlegg til nybygg.