Aktuelt og kunngjeringar

Måndag 14. oktober opnar Bømlo kommune sitt nye Innbyggjartorg i Bømlo folkebibliotek. - Lengre opningstider og difor betre service er bakgrunnen for at me no flyttar kundetorget frå rådhuset og ned til biblioteket, seier personalsjef Vanja Espeland. 

Bømlo kommune har digitalisert gamle lydkassettar med historisk innhald. 

Uansett vêr og vind kan ein no få tilbod om frisk luft i nye vakre omgjevnadar ved Bømlo bu og helsesenter. Det er laga til ein fargerik sansehage med flotte blomar, trær og bærbuskar.

Ungdata-undersøkinga syner at dei aller fleste har det bra. Færre er einsame og det er ikkje auke i  psykiske plager. Samstundes er mobbetala høge og det er nedgang i skuletrivsel.

Eldrerådet hadde gode diskusjonar med ordførar, kommunedirektør og kommunalsjef for helse, sosial og omsorg i sitt møte i dag. Planstrategi, om sjukeheimsplassar og heimetenester, kommuneøkonomi og flyktningesituasjonen var blant tema som var oppe til debatt.

Er du i alderen 13-19 år og brenn for ungdomane sine tilbod eller mangel på tilbod i kommunen din? Då har du sjansen her til å vere med og påverke saman med andre ungdomar. Opplæringa startar med ei to-dagars samling i Bergen.

Full klaff for det første Bømlapride-arrangementet som fann stad ved kulturhuset og vart avslutta med eit fargerikt tog gjennom Svortland sentrum laurdag 17. august

Saka om institusjonsplassar og heimetenester er omfattande og kompleks. Kommunedirektør og kommunalsjef helse, sosial og omsorg syner her viktige føringar og bakgrunnen for dei tilrådingar som er gjort til politiske organ. I forkant og etterkant har det i lokalavisa og sosiale media kome mange innspel og spørsmål i saka og her vert det gitt tilbakemelding på fleire av desse. 

Moster 2024 og organisasjonen Youth Empowerment (YE) i Thessaloniki, Hellas, arrangerer frå 05.-13.08 eit utvekslingsprogram som er finansiert av Erasmus+ Ungdom. 50 personar frå Noreg, Hellas, Litauen, Polen, Italia, Armenia, Serbia og Kroatia er samla på eit ungdomsherberge i Thessaloniki for å jobbe med temaet falske nyheiter under mottoet «Break the fake vol. 2».

- Røykforgiftning er den største årsaka til dødsfall i brannar. Difor er det lurt å ha tenkt gjennom kva ein skal gjere og korleis ein skal kome seg ut om det byrjar å brenna, fortel leiar for brannførebygging Bjørn Hroar Sortland i Bømlo brann og redning.