Aktuelt og kunngjeringar

Torunn Laurhammer, Bømlo kommune sin nye kommunalsjef for oppvekst kultur og idrett, ynskjer velkomen vår nye rektor ved Moster skule, Joakim Lund. 

I siste møte før ferien behandla kommunestyret revidert budsjett. I sak 35/24 Budsjettrevisjon 1. halvår 2024 vart følgjande vedteke i punkt 2.: (…) Kommunedirektøren får mandat til å setje i gong ein prosess tidleg hausten 2024 for å greie ut aktuelle endringar i skulestruktur. Kommunedirektøren varslar med dette oppstart av arbeidet med ny skulebruksplan og revisjon av lokal forskrift om skulekrinsgrenser.

Om sommaren kan det vere aktuelt å starte med pop-up butikkar med sal av ulike sjølvlaga produkt eller andre varer som berre skal vere for eit kort tidsrom. Men vil du selge matvarer og/eller drikke som kan nytast på staden må du sjekke om du må ha serveringsløyve.

Frivillige organisasjonar kan no søke om momskompensasjon på varer og tenester innan 2. september i år. Lotteri- og stiftelsestilsynet skal fordele i overkant av 2,4 milliardar kroner i momskompensasjon til frivillige lag og organisasjonar i 2024. Denne ordninga skal fremje frivillig aktivitet, gjennom å kompensere for kostnader som frivillige organisasjonar har hatt til meirverdiavgift ved kjøp av varer og tenester.

Detaljregulering for naustområde Andahavet og Langøy 110/270 og 110/22 mfl., Alvsvåg, PlanID 201810 er vedtatt. Klagar til planen kan sendast inn fram til 26.07.2024 . 

Detaljregulering for fritidsbustader Kjerkalevik 137/19 mfl., PlanID 201724 er vedtatt. Klagar til planen kan sendast inn fram til 26.07.2024 . 

Det mistenkes at morild-algen er komen til Bømlo. Denne er ufarleg og kan trygt bades i. 

Langevåg var kledd til fest då moloen og fiskerihamna i Hovlandshagen vart offisielt opna fredag. Ruth-Berny Skjetne Lønning losa arrangementet trygt i hamn både ved Stora Bleikjå og samlinga i Langevåg Bygdatun etterpå.

Brua over Kulleseidkanalen vert stengt ved lysregulering under vedlikehaldsarbeidet som har planlagt oppstart 1. juli i sommar.

Brukarar, pårørande og tilsette ved Bømlo bu og helsesenter (BBH) har endeleg fått ein etterlengta uteplass. Fredag kunne ei særs glad verksemdsleiar Monica Smedsrud invitera til offisiell opning av Sansehagen - ein oase i kvardagen.