Aktuelt og kunngjeringar

Kommunestyret vedtok i september retningslinjer i samband med søknadar om mellombels dispensasjon frå gjeldande plan om bruksendring frå fritidsbustad til heilårsbustad. Eit samrøystes kommunestyre vedtok måndag kveld nokre avklaringar og presiseringar.

Bjørnis hadde ein travel dag på jobb fredag med besøk av både 3. klassingar frå Moster skule og deltakarar ved Bømlo vaksenopplæring.

Bømlo ungdomsråd har konstituert seg for 2024-2025 med Alis Natterøy som leiar og Bjarte Tjensvoll Notland som nestleiar.

Kommunestyret vedtok planstrategien i sitt møte 23.09.2024.

Eigenberedskapsveka 2024 startar måndag 28. oktober og her vert det sett fokus på at me er alle ein del av Noreg sitt totalforsvar. Hovudbodskapen er at alle bør vurdere moglege hendingar og planlegge for sjølvberging i minst sju døgn ved bortfall av kritisk infrastruktur som straum og vatn.

Dei fleste laga og organisasjonane i Bømlo er registrerte i Frivillighetsregisteret som er ein del av Brønnøysundregistera, men det er ikkje noko meldeplikt eller liknande til Bømlo kommune. Me ynskjer å bli betre, og då er oppdatert kontaktinformasjon særs viktig.

Måndag 14. oktober opnar Bømlo kommune sitt nye Innbyggjartorg i Bømlo folkebibliotek. - Lengre opningstider og difor betre service er bakgrunnen for at me no flyttar kundetorget frå rådhuset og ned til biblioteket, seier personalsjef Vanja Espeland. 

Bømlo kommune har digitalisert gamle lydkassettar med historisk innhald. 

Uansett vêr og vind kan ein no få tilbod om frisk luft i nye vakre omgjevnadar ved Bømlo bu og helsesenter. Det er laga til ein fargerik sansehage med flotte blomar, trær og bærbuskar.

Ungdata-undersøkinga syner at dei aller fleste har det bra. Færre er einsame og det er ikkje auke i  psykiske plager. Samstundes er mobbetala høge og det er nedgang i skuletrivsel.