Aktuelt og kunngjeringar

Mattilsynet melder at det er påvist fugleinfluensa hos svanar og andefuglar i Bergen og Øygarden, samt i Rogaland. Per i dag er det ikkje registrert fugleinfluensa i Bømlo kommune. 

Juryen kåra løysinga til Moster skule som den beste i årets konkurranse av Smartare teknologi. Dei tevla mot elevar frå Hillestveit, Rubbestadneset, Våge, Gilje og Meling skular.

Fastlegesituasjonen på Bømlo ser lysare ut enn på lenge. Kommunen har no god listekapasitet og fleire faste legar enn tidlegare.

- Klart me har utfordringar, men me har også veldig mykje som er gøy og som bind oss saman her i Bømlo. Det understreka kommunedirektør Kjetil Aga Gjøsæter under det årlege dialogmøtet med lag og organisasjonar i kommunestyresalen torsdag kveld.

Rustenesta i Bømlo Kommune ynskjer å invitere til treff for deg som er pårørande eller nærståande til nokon med rusavhengighet tysdag 24. mars kl. 18.00 til 20.00 på Bøtun 3 (Psykisk helse og rusbygget).

Statens vegvesen har lansert ei ny og etterspurd teneste som gjer det mogleg for trafikantar å følgja vindforholda på fleire utsette bruer – inkludert Bømlabrua og Stordbrua. No kan du sjå både vindstyrke og om brua er open eller stengd, direkte på vegvesen.no/trafikk og i Vegvesen Trafikk‑appen.

- Me har svært låg arbeidsløyse i Bømlo, men skal me lukkast som kommune og samfunn må me hjelpe dei som fell utanfor inn i arbeidslivet. Det var oppfordringa til dagleg leiar Ragnfrid Sønstabø då Bømlo Næringsråd inviterte til frukostmøte i kommunestyresalen nyleg.

Blant tunge og alvorlege tema som beredskap, kommunale oppgåver fram mot 2040, utanforskap og regional utvikling, var det ein ungdom som fekk løfta framtidstrua på årets Sunnhordlandskonferanse. Han oppmoda kommunane til å løfta fram gladsaker og optimisme, slik at ungdomane kan kjenna tillit og tilknyting.

Bedriftsbesøk med orientering og synfaring før formannskapsmøta vil bli langt vanlegare framover. Det er klart etter ei særs vellukka synfaring på Scale AQ sin base på Serklau der synet av gravemaskinar som fortsatt var i sving gleda ekstra mykje torsdag 5. mars.

Har du eit barn med ei langvarig diagnose, og søsken som kan trenga støtte og forståing i kvardagen? Bømlo kommune startar no opp SIBS som er eit gruppetilbod retta mot både søsken mellom 8 og 16 år og foreldre.