Aktuelt og kunngjeringar

Vestland fylkeskommune er i samarbeid med Bertelsen & Garpestad og Norconsult no klare for å setja i gang med det omfattande vegprosjektet på Fv. 541 som er siste del av revidert Bømlopakke II. Prosjektet strekkjer seg frå Hestaneset til Sakseid og vidare til Ekornsæter og er forventa fullført i mars 2027.

Her finn du våre opningstider for legekontora, helsestasjonen, Bømlo symjehall og seksjon for samfunnsutvikling jula 2024.

Måndag 2. desember vedtok fleirtalet i Bømlo kommunestyre å leggja ned Foldrøy skule frå skuleåret 2025/2026 då dei vedtok Skulebruksplanen 2025-2031. - Det viktige no er å sikra ei god og trygg overføring både for elevane og dei tilsette, samstundes som me gjer vårt beste for å gi god informasjon til foreldra og bygda, seier kommunalsjef for oppvekst, kultur og idrett Torunn Laurhammer.

Barn ønskjer seg vaksne som oppfører seg som dei pleier, også under julefeiringa. Derfor oppmodar me alle i Bømlo kommune til å bruke alkovett saman med barn i jula.

Bømlo kommune har no utvida sitt verkty Framsikt til også inkludera ein planmodul i tillegg til økonomimodulen. Planstrategi for perioden 20240-2030 er det første plandokumentet publisert i Framsikt.

KrF, H, og Ap la fram eit felles framlegg til budsjett 2025 og økonomiplan 2026-2028 som vart vedteke av kommunestyret med 25 mot to røyster. Framlegget hadde med 18 verbalpunkt som alle vart vedtekne. 

Onsdag vart Kunnskapssmia i Rubbestadneset offisielt opna. Bømlo vidaregåande skule sine yrkesfagliner og verksemder under LOS-gruppen held hus i eit flott om ikkje spesielt bygg. - Innhalder er unikt og Bømlo-modellen representerer eit symbol på kva skule, næringsliv og lokalsamfunn kan få til saman. I tillegg tek det vare på og fører vidare den stolte industrihistoria i Rubbestadneset, sa ordførar Morten Helland mellom anna i si helsing.

Radon er ein usynleg og luktfri, radioaktiv gass som kan samle seg i innelufta og utgjere ein helserisiko. For din tryggleik blir det tilrådd å måle radon i bustaden, særleg i vintermånadene.

Eit samrøystes kommunestyre gjekk inn for å oppretthalda ungdomstrinna ved Hillestveit og Moster skule mot kommunedirektøren sitt framlegg. Fleirtalet på 16 mot 11 gjekk inn for å leggja ned Foldrøy skule frå skuleåret 2025/2026. Vidare bruk eller sal av Foldrøy skule vil kommunestyret kome attende til.

Kommunestyret vedtok i september retningslinjer i samband med søknadar om mellombels dispensasjon frå gjeldande plan om bruksendring frå fritidsbustad til heilårsbustad. Eit samrøystes kommunestyre vedtok måndag kveld nokre avklaringar og presiseringar.